MKUU WA WILAYA YA TARIME AKABIDHI MIZINGA KWA WAZEE WA KOO 12 WAZEE WAMSHUKURU NA KUTOA PONGEZI KWA SOYA ONE NA WADAU WENGINE

-

 


Tarime, Julai 28, 2025

Mkuu wa Wilaya ya Tarime, Meja Edward Gowele, ameendesha tukio maalum la kukabidhi mizinga ya nyuki kwa wazee wa koo zote kumi na mbili za Tarime Mjini na Vijijini, ikiwa ni hatua ya kuwaheshimu, kuwawezesha kiuchumi, na kutambua mchango wao mkubwa katika kulinda amani na utulivu wa jamii.

Akizungumza katika hafla hiyo, Meja Gowele alisema kuwa wazee ni nguzo kuu ya hekima, mshikamano na maadili katika jamii, hivyo ni wajibu wa serikali na jamii kwa ujumla kuendelea kuwathamini na kuwawezesha ili waweze kushiriki kikamilifu kwenye maendeleo.

“Leo tunawakabidhi mizinga hii ya nyuki si tu kama njia ya kuwawezesha kiuchumi, bali kama alama ya heshima na shukrani kwa nafasi yenu muhimu katika jamii. Mmetufundisha kuwa amani huanza nyumbani, na nyinyi mmekuwa walinzi wakuu wa hilo,” alisema Meja Gowele.

Katika hatua ya kuonyesha mshikamano wa pamoja, Mkuu huyo wa Wilaya aliwashukuru kwa dhati wadau wote walioguswa na kutoa mchango wao kufanikisha zoezi hilo. Wadau hao ni pamoja na wanasiasa, wafanyabiashara, taasisi binafsi na mashirika ya kijamii.


Wadau waliotoa mchango mkubwa ni pamoja na:

1. Michael Kembaki

2. Dr. Edward Machage

3. Nyambari Nyangwine

4. Chichake

5. Eliakim Maswi

6. Esther Matiko

7. Simon Kiles

8. Daniel Komote

9. Neema Newland

10. Musa Ryoba

11. Hezbon Chacha Zablon (aka Machage)

12. Tiboche

13. God Kigoye 

14. SOYA ONE LIMITED

15. Izack Range

Pia mchango mkubwa umetolewa na:

Halmashauri zote mbili (Mji na Vijijini)

Mashirika ya mazingira, usafi na maendeleo

Viongozi wa mila na ZTF – Tarime

Chama Cha Mapinduzi (CCM) – Wilaya ya Tarime

PICHANI NI MWAKILISHI WA WAZEE WA TARIME

Kwa upande wao, wazee wa koo hizo waliokuwa wakipokea mizinga walionesha furaha na shukrani, wakimpongeza Meja Gowele kwa moyo wa kuthamini mchango wao. Aidha, walitoa pongezi maalum kwa kampuni ya Soya One Limited pamoja na wadau wote waliowakumbuka na kuwawezesha.



“Hatuna maneno ya kutosha kuelezea furaha yetu leo. Kukumbukwa na kiongozi wetu ni faraja kubwa, lakini pia kuona kampuni kama Soya One na wadau wengine wanajitokeza kutuunga mkono, ni jambo la kutia moyo. Tunawaombea kila la heri,” alisema mmoja wa wazee kwa niaba ya wenzake.

Tukio hilo limeibua matumaini mapya ya uhusiano bora kati ya serikali na wazee wa mila, likiwa ni mfano wa mshikamano unaojengwa kwa vitendo na kuhamasisha ushiriki wa kila kundi la kijamii katika maendeleo ya Tarime.

Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more