ALKOS ELUTION PLANT YAIKONGA SOYA ONE LIMITED KWA USHIRIKIANO MZURI NA JAMII

-
PICHANI NI WAFANYAKAZI WA SOYA ONE LIMITED PAMOJA NA ALKOS ELUTION WAKIWA NA VIONGOZI WAO

Na Daniel Mussa, MBC Media Online News – Tarime

TARIME, Oktoba 2025 Kampuni ya Alkos Elution Plant, inayojihusisha na uchenjuaji wa madini na yenye makao yake mtaa wa Zaka Filling, Nkende  Tarime Mjini, imeipongeza kampuni ya Soya One Limited kwa kuwa mdau mkubwa wa maendeleo na mshirika wa kweli wa jamii.


Akizungumza katika hafla ya kuadhimisha Wiki ya Mteja iliyofanyika katika ofisi za Alkos Elution Plant, viongozi wa kampuni hiyo walimshukuru Mkurugenzi wa Soya One Limited, Ndugu Chacha Soya, kwa kukubali mwaliko wao na kuhudhuria kama mgeni rasmi katika tukio hilo muhimu.


Kwa mujibu wa viongozi wa Alkos Elution Plant, ushirikiano kati ya kampuni hizo mbili umechangia kuimarisha uhusiano kati ya sekta binafsi na jamii, sambamba na kusaidia utekelezaji wa miradi ya kijamii na maendeleo ya kiuchumi ndani ya Wilaya ya Tarime.

“Tunampongeza Ndugu Chacha Soya kwa moyo wake wa uzalendo na ushirikiano. Kampuni yake imekuwa ikishiriki kikamilifu katika kusaidia jamii, jambo ambalo linaonyesha dhahiri falsafa ya ‘Jamii Kwanza’,” alisema mmoja wa viongozi wa Alkos Elution Plant.

Kwa upande wake, Mkurugenzi wa Soya One Limited, Ndugu Chacha Soya, aliipongeza Alkos Elution Plant kwa mchango wake mkubwa katika sekta ya madini, akibainisha kuwa uchenjuaji wa madini unapoendeshwa kwa weledi na uwazi, unaleta manufaa makubwa kwa wananchi.


Aidha, Soya alitumia nafasi hiyo kuwahimiza wananchi na wadau wote wa Tarime kushiriki uchaguzi mkuu unaotarajiwa kufanyika tarehe 29 Oktoba kwa amani, upendo na umoja, akisisitiza kuwa maendeleo ya kweli hayawezi kupatikana bila amani.

Pichani ni Mkurugenzi wa Soya One Limited akiwa ameketi katikati ya viongozi wa Alkos Elution Plant 


“Naomba wananchi wote tushiriki uchaguzi kwa amani na upendo. Tukiwa wamoja, tutalinda rasilimali zetu na kuhakikisha Tarime inaendelea mbele kwa maendeleo endelevu,” alisema Soya huku akishangiliwa na hadhira.


Hafla hiyo ilihudhuriwa na wadau mbalimbali wa sekta ya madini, wateja, viongozi wa serikali za mitaa, na wafanyakazi wa kampuni, ambapo kaulimbiu ya maadhimisho ilikuwa:

“Mteja Kwanza, Huduma Bora kwa Maendeleo Endelevu.”


Alkos Elution Plant imeendelea kuwa nguzo muhimu katika uchumi wa Tarime kwa kutoa huduma za uchenjuaji wa madini kwa teknolojia ya kisasa, huku ikitoa ajira kwa vijana na kusaidia miradi ya kijamii kama elimu na afya.


📸 Picha: Mkurugenzi wa Soya One Limited, Ndugu Chacha Soya (katikati), akiwa na viongozi wa Alkos Elution Plant katika hafla ya Wiki ya Mteja iliofanyika Zaka Filling, Nkende – Tarime.


🟦 MBC Media Online News

📍 Tarime, Mara – Tanzania

Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more