TAASISI YA MARAFIKI WA MAENDELEO TARIME YAMWAGA VIFAA VYA TAALUMA VYENYE THAMANI YA MILIONI 40 KWA SHULE MBILI TARIME VIJIJINI

-

    Na Daniel Mussa – Tarime

Kwa lengo la kuunga mkono juhudi za kuinua kiwango cha elimu katika Wilaya ya Tarime Vijijini, Taasisi ya Marafiki wa Maendeleo Tarime imekabidhi vifaa vya kisasa vya kufundishia na kujifunzia vyenye thamani ya jumla ya shilingi milioni 40 kwa shule mbili za sekondari — Magoto na Mbogi.


Kila shule imenufaika na kompyuta za mezani (desktop) mbili, kompyuta mpakato (laptop) moja kwa matumizi ya Mkuu wa Shule, na mashine moja ya kupiga nakala (photocopy machine) aina ya Canon. Vifaa hivyo vimepokelewa kwa furaha kubwa na walimu, wanafunzi na jamii inayozunguka shule hizo.


Akikabidhi vifaa hivyo kwa niaba ya taasisi, Mkurugenzi Mkuu wa Taasisi ya Marafiki wa Maendeleo Tarime, Ndugu Martine Marwa, aliishukuru bodi ya taasisi hiyo pamoja na wadau mbalimbali waliotoa michango yao kwa moyo wa uzalendo.


“Tunaishukuru bodi ya taasisi yetu kwa kuratibu na kufanikisha upatikanaji wa vifaa hivi kupitia michango ya wadau wetu. Tunaamini kwamba uwekezaji katika elimu ni nguzo muhimu ya maendeleo ya kijamii na kiuchumi,” alisema Marwa wakati wa hafla ya makabidhiano iliyofanyika shuleni Magoto.


Aidha, aliwataka walimu na viongozi wa shule kuhakikisha kuwa vifaa hivyo vinatunzwa na kutumika kwa malengo yaliyokusudiwa, hususan kusaidia maendeleo ya wanafunzi katika masomo ya TEHAMA na shughuli za kiutawala.


Kwa upande wao, walimu wakuu wa shule husika waliishukuru taasisi hiyo kwa msaada huo mkubwa, huku wakisema kuwa vifaa hivyo vitasaidia kuongeza ufanisi wa kazi na kuwapa wanafunzi fursa ya kujifunza kwa vitendo.


“Kompyuta hizi zitatusaidia sana katika kuandaa mitihani, kutunza kumbukumbu na kufundisha wanafunzi kwa njia ya kisasa. Tunaahidi kuvitumia kwa tija na kuvitunza ipasavyo,” alisema mmoja wa walimu wakuu.


Wananchi waliohudhuria hafla hiyo nao waliipongeza taasisi kwa moyo wa kizalendo, na kuiomba kuendelea kufanikisha miradi ya maendeleo katika sekta nyingine kama afya na maji.


Taasisi ya Marafiki wa Maendeleo Tarime imejizolea sifa kwa kuwa mstari wa mbele katika kusaidia jamii kupitia misaada ya kielimu na kijamii, huku ikiwahimiza wadau zaidi kushirikiana kwa pamoja katika kuijenga Tarime mpya yenye matumaini na maendeleo endelevu.

Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more