Martine Marwa Atoa Motisha Kangaliani Sekondari, Kijijini kwa Mbunge Waitara

-

MKURUGENZI WA TAASISI YA WADAU WA MAENDELEO TARIME ATOA MOTISHA KWA WANAFUNZI WA KANGALIANI SEKONDARI



Tarime, Mara – Mkurugenzi wa Taasisi ya Wadau wa Maendeleo Tarime, Ndugu Martine Marwa, ameendelea kuonesha moyo wa kizalendo kwa jamii ya Tarime kwa kufanya ziara maalum katika shule ya sekondari Kangaliani iliyopo katika kijiji anachotokea Mbunge wa Jimbo la Tarime Vijijini, Mheshimiwa Mwita Waitara.

Katika ziara hiyo, Ndugu Marwa alikabidhi rasmi vifaa vya TEHAMA kwa ajili ya kusaidia kuinua kiwango cha elimu katika shule hiyo, baada ya shule hiyo kushika nafasi ya mwisho katika matokeo ya mitihani ya mwisho wa mwaka 2024 katika ngazi ya wilaya na mkoa.

Vifaa vilivyokabidhiwa ni pamoja na kompyuta, printer na vifaa vingine vinavyotarajiwa kuongeza ufanisi katika ufundishaji na ujifunzaji wa masomo mbalimbali, hasa masomo ya sayansi na TEHAMA.

"Tumekuja hapa sio kulaumu bali kuonesha upendo kwa watoto wetu na kutoa msukumo mpya wa matumaini. Tunaamini kuwa kwa vifaa hivi na hamasa hii, Kangaliani itaamka na kufanya vizuri zaidi mwaka huu," alisema Marwa wakati wa hafla ya makabidhiano.

Wananchi, wazazi, walimu na wanafunzi walifurika kushuhudia tukio hilo huku wakionesha shukrani kwa msaada huo muhimu. Walimu wa shule hiyo walieleza kuwa changamoto kubwa imekuwa ukosefu wa vifaa vya kisasa vya kujifunzia, hivyo msaada huo umefika wakati muafaka.

Mwalimu Mkuu wa shule hiyo aliahidi kuwa uongozi wa shule utahakikisha vifaa hivyo vinatumika kwa malengo yaliyokusudiwa na kuwa kichocheo cha kuleta matokeo bora.

[PICHA: Mkurugenzi Martine Marwa (kulia) akiwa na wananchi na viongozi wa shule ya Kangaliani wakati wa hafla ya makabidhiano ya vifaa vya TEHAMA.]

Kwa upande wake, Marwa alitoa wito kwa wadau wengine wa maendeleo ndani na nje ya Tarime kuungana na taasisi yake katika juhudi za kuinua elimu vijijini. Alisisitiza kuwa maendeleo ya jamii yanaanza na uwekezaji katika elimu ya watoto.

Taasisi ya Wadau wa Maendeleo Tarime imejipambanua kama miongoni mwa mashirika yanayogusa maisha ya watu moja kwa moja, ikiwa na kaulimbiu ya kuinua sekta muhimu kama elimu, afya na mazingira kwa vitendo.

Makabidhiano ya vifaa Kangaliani

Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more