MBUNGE VITI MAALUM GHATI CHOMETE NA MBARAZA MARIAM SAGINI WAAHIDI KUONGEZA WANAFUNZI CHUO CHA LAKE VICTORIA DISABILITY VOCATIONAL TRAINING CENTRE

-


Mbunge Viti Maalumu Mkoa wa Mara Mhe. Ghati Chomete ameahidi kushirikiana na Mjumbe wa Baraza Kuu UWT Taifa Ndg. Mariam Sagini kuhamasisha na kukitangaza Chuo cha Lake Victoria Disability Vocational Training Centre ili wanafunzi waongezeke kutokana na uwezo wake wa kubeba wanafunzi zaidi 600 ila mpaka sasa kina wanafunzi 65.


Akizungumza wakati alipomwakilisha Mgeni Rasmi Mjumbe wa Baraza Kuu UWT Taifa Ndg. Mariam Sagini katika mahafali ya nane yaliyofanyika chuoni hapo Novemba 22, 2024 katika Kijiji cha Nyabange, Kata ya Nyankanga, Wilaya ya Butiama Mhe. Chomete amesema chuo hicho kina mchango mkubwa katika kuwapa vijana wenye ulemavu na wasio na ulemavu fursa ya kujifunza na kujiendeleza.

"Habari njema ni kwamba chuo hiki pamoja na kutoa huduma ya elimu ya ufundi nimeambiwa mnatoa huduma ya utengamao kwa watu wenye ulemavu kama mazoezi tiba, kazi tiba, utengenezaji wa viungo bandia, vifaa saidizi kama baiskeli za watu wenye ulemavu, magongo ya kutembelea, viti vya kona nk. Hii inapaswa jamii ione kama fursa katika ulimwengu wa sasa walete vijana wajifunze hata pia lugha ya alama," amesema Mhe. Ghati.


Pia Mhe. Chomete amewaasa wahitimu kuwa wajitangaze kwa chuo walichotoka cha Lake Victoria Disability Vocational Training Centre na taaluma walioipata ili iwe rahisi kupata kazi na kutengeneza kipato chao wenyewe kuliko kukaa nyumbani kwani itakuwa kero kwa wazazi na mwisho watawaona kama mizigo ukizingatia walitumia pesa nyingi kwa ajili ya kuwasomesha.


Pia Kaimu Mkurugenzi wa Chuo cha Lake Victoria Disability Vocational Training Centre amesema chuo hicho kilianza mwaka 2002 na kimesajiliwa chini ya Mamlaka ya Elimu na Mafunzo ya Elimu Stadi (VETA) kwa ngazi ya cheti daraja la pili hadi sasa kinatoa kozi fupi na ndefu za Uselemala, uchomeleaji vyuma, ushonaji mapambo, ufundi bomba, ufundi umeme, TEHAMA, ufundi viyoyozi na majokofu, madini, usaidizi wa maabara, utalii, uhazili, mapokezi, utunzaji nyumba na mapishi ambapo Jumla wahitimu 30 wamehitimu katika fani mbalimbali.


Aidha Mwenyekiti wa Bodi ya Chuo cha Lake Victoria Disability Vocational Training Centre Egata Magafu ameeleza kuwa chuo hiko kwa kushirikiana na taasisi ya Tanzania Club Foot Organisation kinatoa na huduma ya matibabu ya miguu kifundo bure kwa watoto waluo chini ya umri wa miaka mitano, ambapo matibabu hufanyika kuanzia hatua ya awali hadi hatua ya mwisho kuhakikisha miguu ya watoto hao inarekebishika kikamilifu.








Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more