MHE ESTHER MATIKO KUTOA MILIONI ISHIRINI TARIME SEKONDARI (20,000,000/=)

-

Mhe Esther Nicholas Matiko Mbunge wa Viti Maalum Mkoa wa Mara ambaye ni Mkurugenzi wa taasisi ya Matiko Foundation ameendelea na ziara yake ya kibunge ndani ya Mkoa wa Mara.

MHE. ESTHER MATIKO AKIWA NA WANAFUNZI

Akiwa Shule ya Sekondari Tarime inayopatikana Tarime Mjini, Mhe Mbunge amefika shuleni hapo na kuzungumza na Walimu pamoja na Wanafunzi wa Shule hiyo ikiwa ni kuwajengea uwezo wa kufanikisha upatikanaji wa matokeo mazuri ya kidato cha sita.


Mhe Esther Matiko akizungumza na Wanafunzi hao, ameahidi kutoa kiasi cha Shilingi Milioni Ishirini (20,000,000/=) kupitia taasisi ya *_Matiko Foundation_* iwapo Shule hiyo itafanikiwa kupata matokeo ya Daraja la kwanza (Division One) kwa Wanafunzi wote wa kidato cha sita wanaotarajiwa kufanya mitihani yao mwakani 2025.


Mhe Mbunge ametoa ahadi hiyo ikiwa ni jitihada za kuunga juhudi za Serikali chini ya Rais wa Tanzania Dkt. Samia Suluhu Hassan kupitia Kampeni yake ya kutoa Ufadhili wa kwa masomo ya Sayansi *(Samia Scholarship)* kwa wanafunzi wanaofaulu daraja la kwanza kwa alama tatu (Div 1 Point 3).


Kupitia Samia Scholarship, Shule ya Tarime Sekondari imefanikiwa kutoa wanafunzi watatu waliofikia vigezo vinavyohitajika. Kampeni hiyo imeanzishwa shuleni hapo kupitia mashindano ya michezo mbalimbali ikiwa na kauli Mbiu isemayo “Mama Kwanza, Division One ya Point Tatu Inawezekana”.

MHE. ESTHER MATIKO AKIKABIZI VIFAA VYA MICHEZO

Mhe Esther Matiko ameunga mkono kampeni hiyo shuleni hapo kwa kutoa vifaa vya michezo mbali mbali kwa ajili ya mashindano ambavyo ni Jezi seti moja ya mpira wa Miguu, Mipira miwili ya Kikapu (Basketball), Mipira miwili ya miguu(Football), Mipira miwili ya Wavu (Volleyball) Mipira miwili ya mkono (Handball), goalball mmoja na Mbuzi mmoja, vyote vikiwa na thamani ya Tsh milioni moja na laki nne (1,400,000/=)


Ikumbukwe, Mhe Esther Matiko alitoa ahadi ya Tsh 10,000,000/= mwaka 2023 kwa Shule hiyo iwapo wangefanikiwa kupata daraja la kwanza na pili pekee kwa matokeo ya kidato cha sita mwaka huu (2024), licha ya kwamba Shule hiyo haikufanikiwa kufikia lengo, Mhe Esther Matiko ametoa kiasi cha Tsh 500,000/= kwa ajili ya Lunch kwa Walimu wa Shule hiyo ikiwa ni motisha kwa kuiwezesha Shule hiyo kuongoza Tanzania nzima kwa kuwa na Division One nyingi zipatazo 355.

MHE. ESTHER MATIKO AKIKABIDHI KIASI CHA 500,000 KWA WALIMU

Mhe Esther Matiko amesema ni matamanio yake kuona siku moja Tarime Sekondari ikipewa hadhi ya Shule Maalum (Special School) kutokana na matokeo mazuri ya kitaaluma itakayoyapata kupitia kwa Wanafunzi, Walimu, Wazazi na Wadau wengine wa elimu.


Mkuu wa Shule hiyo Mwl Chenge hakusita kutoa pongezi na Shukrani za Shule hiyo kwa Mhe Esther Matiko kwa jinsi anavyoshirikiana na shule hiyo kwa kutatua changamoto mbali mbali na hivyo kusaidia kuinua viwango vya taaluma shuleni hapo.


Itakumbukwa Mhe Esther Matiko alipata kuwapeleka bungeni Walimu na Watumishi wa Tarime Sekondari kwa matokeo mazuri ya kidato cha sita 2023, Walimu wa Shule hiyo waliweza kupata fursa ya kukutana na viongozi mbali wa kiserikali na kuwasilisha hoja zao akiwemo…


 Mhe Dotto Biteko (Naibu Waziri Mkuu), Mhe George Simbachawene (Waziri Ofisi ya Rais Menejimenti ya Utumishi wa Umma na Utawala Bora), Mhe Kipanga Naibu Waziri Elimu na kuwawezesha kushiriki maadhimisho makubwa ya siku ya Walimu wilayani Bukombe kwa mwaliko maalum wa Mhe Dotto Biteko Naibu Waziri Mkuu. 

Comments

Post a Comment

Popular posts from this blog

GWAJIMA AACHE KUCHEZEA AMANI YA TAIFA, NA MHE. RAIS SAMIA AANGALIE JICHO LA CHINI YA KIVULI HIKI

-
Image
PICHANI NI MWANAHABARI DANIEL MUSSA Na: Daniel Mussa Mwanahabari, Mtanzania Mzalendo, Tarime Kuna wakati wa kukaa kimya. Na kuna wakati wa kusimama na kusema kwa nguvu zote. Sasa ni ule wakati. Kwa siku kadhaa sasa, taifa letu limetikiswa na kauli za Askofu Josephat Gwajima Mbunge wa Kawe, ambaye badala ya kutenda kazi za uongozi na uwakilishi, amegeuza jukwaa lake kuwa kiwanda cha tuhuma, vitisho, na propaganda chafu. Amediriki kutumia jina la hayati Dkt. John Pombe Magufuli akijivika mavazi ya mashujaa, ilhali kwa ndani akipanda mbegu za uchochezi. Kauli yake ya “nileteeni Gwajima” ambayo aliwahi kusemewa na Magufuli, sasa anaitumia kama kibali cha kuasi nidhamu ya chama, kupinga serikali, na kudhoofisha jitihada za Mhe. Rais Samia Suluhu Hassan katika kulijenga taifa la maridhiano, mageuzi ya kiuchumi, na diplomasia ya matumaini. Pichani ni Mheshimiwa Joseph Gwajima Hivi tunamwambiaje Rais Samia anayepambana kila siku kusafisha nchi na kuijenga upya, kuwa kuna watu wanaomchimba kisi...
Read more

MKURUGENZI WA SOYA ONE LIMITED AWASISITIZA WAUMINI WA EAGT RONSOTI TARIME MJINI KUILINDA AMANI; AFANIKISHA UPATIKANAJI WA MCHANGO WA MILIONI 12, ACHANGIA MILIONI 8 NA ASINDIKIZWA KWA MILIONI 5

-
Image
MKURUGENZI WA SOYA ONE LIMITED  (CHACHA GESORA)  Tarime Mjini, Tanzania – Mkurugenzi wa Soya One Limited, Chacha Soya, ameendelea kuonyesha moyo wa kujitoa kwa jamii baada ya kufanikisha upatikanaji wa mchango wa jumla ya shilingi milioni 12, ambapo mwenyewe alichangia milioni 8, na waumini pamoja na wageni wengine wakasindikiza kwa milioni 5. Mkurugenzi huyo alialikwa rasmi kama mgeni maalum katika ibada ya Jumapili iliyofanyika katika Kanisa la EAGT Ronsoti, ibada iliyojaa uwepo wa Mungu na iliyoongozwa na Mchungaji Maswi. Katika hotuba yake yenye kugusa mioyo, Mkurugenzi Soya alisisitiza umuhimu wa kulinda amani ya nchi akisema: “Amani yetu ni nguzo ya maendeleo. Tanzania imebarikiwa na Mungu kwa utulivu wake. Tuilinde, tuiombee, na tuishi kama watu wanaothamini urithi huu adhimu.” Alisisitiza kuwa amani ndiyo msingi wa ibada, biashara, uchumi na ustawi wa familia, hivyo kila Mwanatarime na Mtanzania kwa ujumla ana wajibu wa kuwa mlinzi wa amani. Katika kuendelea kusapoti k...
Read more

SOYA ONE LIMITED YAENDELEA KUNG’ARA KATIKA UDHAMINI WA ELIMU NA JAMII TARIME

-
Image
  Pichani Ni Mkurugenzi wa Soya One Limited ndg Chacha Soya akiwa na viongozi wa serikali Tarime, Mei 20, 2025 – Kampuni ya Soya One Limited inaendelea kudhihirisha dhamira yake ya dhati ya kusaidia jamii kupitia mchango wake mkubwa kwa shule na taasisi za kidini wilayani Tarime, ikiwa ni sehemu ya kaulimbiu yake ya “Jamii Kwanza.” Katika hatua hii kampuni hiyo imetoa gunia 10 za mahindi kwa shule za msingi Sabasaba, Mapinduzi na Azimio, kwa ajili ya chakula kwa wanafunzi. Pia, imeshughulikia gharama za kuunganishiwa umeme katika shule hizo tatu kwa kiasi cha Shilingi 836,577.52, hatua inayolenga kuboresha mazingira ya kujifunzia na kuongeza ufaulu. Kwa kuguswa na hali ya mwanafunzi mmoja mwenye changamoto ya kifedha, kampuni hiyo imetoa Shilingi 100,000 kumuwezesha kupata mahitaji muhimu ya shule na kuendelea na masomo bila vikwazo. Soya One Limited pia imeelekeza msaada wake kwa Shule ya Msingi Magufuli ya watoto wenye mahitaji maalum kwa kutoa gunia tano za mahindi, sukari na ho...
Read more